Krakkarnir

Gleðilegt sumar!

2010-04-30T15:54:00.001-07:00

Við óskum öllum sem lesa þetta mikilar gleði og hamingju í sumar. Við ætlum að vera eldhress og gera fullt af skemmtilegum hlutum með fjölskyldunni, ömmum og öfum, vinum, frændum og frænkum!

Fríða Katrín náði því miður ekki að hitta afa Hadda á dögunum þegar hann átti leið suður. Stefán var hinsvegar heppnari því að þeir hittust fyrir tilviljun á strætóstoppistöð. Fríða fékk hinsvegar óvæntan glaðning frá afa sínum, hún var óskaplega ánægð þó hún vissi ekkert hvað þetta "bréfsnifsi" væri. Hún var ánægð með að þetta væri alveg eins á litinn og bolurinn hennar!

Fríða hamast alltaf mjög mikið, það er varla að hún labbi um, frekar hleypur hún eða hoppar. Hún er semsagt rosalegur fjörkálfur. Henni er þessvegna oft svakalega heitt í hamsi og tekur oft smá stund að gíra hana niður til að fara að sofa.

Þessa dagana lesum við mikið um Snuðru og Tuðru, þær eru í miklu uppáhaldi hjá Fríðu. Sækjast sér um líkir?! Þarna er Fríða að hlusta á með mikilli athygli.

Á sumardaginn fyrsta fórum við öll fjölskyldan á Miklatún þar sem boðið var uppá smá dagskrá og hoppikastala fyrir börnin.

Fríða hoppar að jafnaði mjög mikið á jafnsléttu, eins og t.d. bara heima hjá sér, og þið getið ímyndað ykkur í hversu miklu stuði hún var fyrir þetta. Það var afar erfitt að fá hana úr kastalanum.

Í dag fékk Fríða örlitla andlitsmálningu á leikskólanum, hún fékk svokallað krummanef. Hún var semsagt með svartan nebba og var afar stolt af honum. Svo stolt að hún var alltaf að benda á hann og grufla í honum. Svo kom að hann hvarf og Fríða var mjög sorgmædd. Hún fékkst til að fara að sofa þegar henni var lofað öðru krummanefi í fyrramálið. Við tökum þá fram skósvertuna.

(Þetta eru allt símamyndir, hin myndavélin varð batterílaus þegar taka átti myndirnar úr henni. Það eru því væntanlegar nýjar myndir aftur úr myndavélinni, m.a. frá dansnámskeiðinu hans Stefáns þar sem hann dansaði Michael Jackson dansa.)

Brosandi í byrjun árs!

2010-02-10T15:33:00.000-08:00

Hér eru þau systkinin að stilla sér upp með sparibrosið. Fallegi rauði liturinn á hári Fríðu endurkastast á hár Stefáns.

Arnór Elís kom í heimsókn eina helgina og gisti hjá Stefáni, þeir skemmtu sér mjög vel saman. Þarna eru þeir frændurnir að stilla sér upp líkt og á handboltaleik, þetta var í miðju "EM í handbolta" fári, og það er engu líkara en að Stefán sé að syngja þjóðsönginn. Arnór er í Haukabúning og Stefán í Valsbúningi. Enda mikil frændsemi á milli þessara liða!

Strákurinn með skeggið hann heitir Stebbi.

Fríða Katrín er orðin rosalega dugleg á koppnum og er hætt með bleiuna. Koppurinn er selur sem ávallt er kallaður "kisa".

Síðasta laugardag, 06. febrúar fórum við í hjólreiðatúr um Öskjuhlíð og Nauthólsvík. Það var algert sumarveður og æðislega gaman að hjóla.

Þarna erum við komin á ylströndina í Nauthólsvík. Þar var enginn nema við.

Fríða var æpandi kát með þetta allt saman. Hlaupa í sandinum, kasta steinum í sjóinn og allt hvaðeina.

Stefán er farinn að æfa handbolta með 6. flokki Vals. Handboltahetjan Ágústa Edda þjálfar. Þarna er Stefán u.þ.b. að fara að bíta í verðlaunapeninginn en hann keppti á móti í Kópavogi um helgina og það gekk mjög vel.

Greyið Fríða litla neyðist til að erfa fullt af strákafötum af Stefáni bróður sínum. Þarna er hún á leiðinni á leikskólann í kunnuglegri stellingu, einhvers staðar er til svipuð mynd af Stefáni...

Já, það er þessi frábæra mynd af drengnum á Valseyri. Æti hann sé ekki á svipuðum aldri og Fríða núna.

Fríða og pakkinn!

2009-10-17T11:45:00.000-07:00

Fríða var heppin í vikunni því að hún fékk sendingu frá ömmu Diddu. Pakkann sótti pabbi hennar og opnaði af eintómri forvitni í vinnunni. Það var til þess að allar konurnar í Pennanum ópuðu yfir sig af hrifningu innihalds pakkans.

Fríða fékk glæsilegan kjól, eyrnaskjól og legghlífar sem amma Didda hafði prjónað svo frábærlega.

Fríða var afskaplega glöð með þessi glæsilegu föt og vildi ekki fara úr þeim.

Fríða og Steingerður frænka hennar á Egilsstöðum töluðu saman í símann í dag og mátti heyra að þær voru báðar í skýjunum með fötin. Steingerður var nefnilega jafnheppin!

Fríða horfði á barnatímann í kjölfarið af mátuninni og gleymdi sér algerlega. Það varð til þess að hún var kófsveitt af hita eftir að hafa horft á Bangsímon.

Það var skemmtileg tilviljun að hún Fríða skuli hafa verið að máta þessi fínu föt frá ömmu sinni á afmælisdegi langömmu sinnar og nöfnu; ömmu Fríðu.

Endurkoma barnanna í Barmahlíð!

2009-10-13T11:43:00.001-07:00

Fjölskyldan fór öll saman í haustlitaferð á dögunum upp í Borgarfjörð. Hér er Stefán að virða fyrir sér fallegu haustlitina og hryllilegt umhverfi við Hraunfossa.

Að Húsafelli býr listamaðurinn Páll Guðmundsson og hefur hann sett mark sitt á hverja steinvölu í nágrenninu. Frábær listaverk að mati okkar Stefáns.

Hér er hún Fríða litla lipurtá í græna gíraffagallanum.

Fríða Katrín er mjög samvizkusöm í heimalærdómnum. Þegar Stefán Bjartur er að læra þá mætir hún strax á svæðið og klárar sín dæmi líka.

Þegar búið er að læra heima þá er kósístund fyrir framan imbakassann. Töluvert stór prósenta af teiknimyndum í sjónvarpinu innihalda svín í aðalhlutverki...athyglisverð staðreynd?!

Stefán Bjartur er svakalegur gæi. Hann er sjö ára, ekkert barn lengur!

...en auðvitað ljúfur sem lamb. Oftast.

Þarna eru þær mæðgur að spjalla saman við borðstofuborðið.

Stefán á troðfulla körfu af búningum í herberginu og má alltaf búast við einhverjum nýjum karakterum í heimsókn á hverri stundu.

Hún er nú voða sæt og saklaus, hún Fríða. Greyið stelpan þarf nú að þola það að labba um í gömlum strákafötum af Stefáni. Myndirnar hér að ofan sýna þá glettilegu staðreynd. Þetta eru allt gömul föt af Stefáni.

Fjölskyldulífið í Hlíðunum.

2009-02-08T05:22:00.000-08:00

Stefán Bjartur byrjaði að æfa knattspyrnu með Val síðasta haust en var fljótlega boðið uppá samning við Barcelona...nei, grín! Stefáni finnst gaman í fótbolta en var ekki að finna sig með Völsurum. Hann fékk því að fara í karate hjá Þórshamri núna í janúar og finnst það voða gaman. Set inn karate-myndir næst.

Fríðu finnst dótið hans Stefáns mjög spennandi en þarna er hún komin á hálan ís. Hún er komin með geislasverð Svarthöfða í hendurnar og laumast hér með það í burtu. Það kann ekki góðri lukku að stýra...

Við strákarnir að tjilla. Erum líklegast að horfa þarna á "skemmtilega" fjölskyldumynd á föstudagskveldi, líklegast um talandi hund eða krakka sem flytja í nýjan bæ.

Fríða biður oft og iðulega um "ballala". Sem er banani. Auðvitað fær þessi litla krútta allt sem hún biður um og þarna er hún að gæða sér á einum ballala...!

Eftir að Stefán hafði verið duglegur í skólanum fékk hann að launum bíóferð. Hann fór með mömmu sinni á myndina Bolt. Hún fjallar um talandi hund (..jebb) og var myndin í þrívídd. Þess vegna fengu mæðginin svona kúl gleraugu.

"...ertu að tala við mig?!" Fríða Katrín er mikill töffari og lætur engan vaða yfir sig.

Þarna hefur Svarthöfði endurheimt sverðið sitt og er mjög ógnandi. Svona leit hann Stefán út þegar ég labbaði með hann í skólann á fimmtudaginn síðasta. Þá var klappveisla hjá bekknum og allir áttu að mæta í búningum.

Bryndís frænka á afmæli í dag!!

2009-01-13T12:05:00.000-08:00

Afmælissöngurinn (helv... blogger gat ekki öpplódað vidjóinu)

Hún Bryndís frænka (systir) á afmæli í dag og við komumst því miður ekki í afmælið. Við vorum voða leið að komast ekki en ákváðum í stað þess að vera með leiðindi að halda bara smá veislu sjálf hér í Barmahlíðinni. Skál fyrir þér, Bryndís! (Fríða fékk banana, eða balalala... eins og hún kallar það)

Veislan byrjaði með pizzum og gosi sem lagðist mjög vel í mannskapinn en síðan ætlaði allt um koll að keyra þegar ístertan var borin á borð. Stefán spurði mömmu sína reyndar af hverju kertið væri bara eitt, frænka væri ekki eins árs, þá sagði mamma hans að það væri ekki pláss fyrir svo mörg kerti á kökunni... ehhmm.
Hip hip..húrra!

Jól og áramótin fyrir vestan. Kunnum ekki að vera annars staðar.

2009-01-12T07:05:00.000-08:00

Stefán Bjartur er mjög oft of upptekinn til þess að setjast niður og borða. Það verður allavega virkilega að grípa athygli hans og það tekst alls ekki bara með soðningunni. Hér var reynt að skreyta annars óspennandi hrökkbrauð með einum bíl og tveimur andlitum. Viti menn, hann snarhætti í kúrekaleiknum...

Þau eru nú ekki endilega sögð lík systkinin, hann er sagður líkur móður sinni og hún föður sínum. En það er nú svipur með þeim?!

Stefán kominn í jólafötin. Glæsilegur ungur maður.

Eftir að við höfðum sporðrennt jólakalkúninum þá var boðið uppá heimalagaðan ís. Fríða er rosadugleg að borða og sló öll met um jólahátíðina. Hún át alla undir borðið í skötuveislunni hjá afa Hadda til að mynda.

Þetta er felumynd, innan um pakkastóðið má finna þrjá krakka.

Það kemst lítið annað en Star wars að í kollinum hjá Stefáni þessa dagana. Hann fékk Svarthöfðabúning, geislasverð, starwarskalla og allt hvaðeina. Allavega voru jólafötin á bak og burt eftir að hann opnaði pakkana og svona mætti hann í jólaboðin.

Mæðgurnar gera sig tilbúnar í sprengingar í Hnífsdal um áramótin. Fríða mjög vel búin, í kuldagalla, gleraugu og Peltor for kids eyrnahlífar sem Elísa og co. gáfu henni í jólagjöf.

Þarna eru þau Logi geimgengill og Lilja prinsessa í stjörnustríði....eða Stefán og Hrefna Dís í áramótastuði.

Eftir kræsingar og kjötsvimann yfir hátíðir var tekinn góður göngutúr í frostinu. Það var virkilega hressandi en auðvitað var Adam ekki lengi frá paradís því Gugga amma Hrefnu Dísar og Soffíu Rúnar bauð öllum göngugörpunum í heitt súkkulaði og meððí!

Börnin fríð og góð.

2008-12-08T14:34:00.000-08:00

Fríða Katrín er ekki byrjuð að labba, hún kann það en hún er ekki á því að sýna það endilega. Það er þrjóska í telpunni. Hvaðan hún fær hana, vitum við ekki...ehhhmm.

Það þarf ekki mikið til að gleðja þessa ungu mær, ef hún er súr á svipinn má alltaf pota henni í stólinn sinn og færa henni eitthvað að maula. Þarna er hún með flatköku með kæfu og lárperubita...ummmmm.

Brostið hefur á með fyrirsætustælum hjá Fríðu. Stútur á munni, hallandi mjaðmir og brosað með augunum.

Þessi dáðadrengur kann líka sitthvað fyrir sér þegar myndavél er sveiflað í nálægð. Þarna má hinsvegar sjá litla tilgerð, aðeins stóíska ró.

Fríða er orðin eldklár, líkt og hún á kyn til og er hún þarna að svara til hvar hinir og þessir líkamshlutir eru. Þarna var hún spurð hvar "nebbinn" væri. Hvert er hún að benda...?

Börnin hittu jólasveina á sunnudaginn. Kertasníkir og Giljagaur tóku forskot á sæluna og kíktu til byggða. Stefán var voða upprifinn af því að hitta þá. Hann fékk líka fullan poka af ýmsu dóti og gotteríi. Engar kartöflur.

Fríða Katrín fékk líka fullan poka. Hún var spennt yfir mandarínunni og myndum af fisknum Nemo.

Jólaballið var haldið fyrir starfsfólk Pennans, á skrifstofunni í Glæsibæ. Eftir að hafa dansað, sungið, þegið pakkana frá jólasveinum og borðað kökur og kræsingar tók ég eina mynd. Allir saddir og sælir eftir góðan dag.

Klipp og kitl

2008-11-17T12:15:00.000-08:00

Það er við hæfi að fara í klippingu áður en Vetur konungur kemur til byggða. Þannig er öll fjölskyldan búin að fara í klippingu á síðustu dögum; mamman fór á stofu í vesturbænum, pabbinn á Akureyri, Fríða heima og Stefán á Háteigsveginum.

Það var hrekkjavaka á dögunum og við Fríða deildum eðlubúningi. Við vorum mjög hræðileg saman.

Fríða Katrín getur verið mjög stríðin og lætur hún ekki gott kitlfæri úr hendi sleppa.

Það var kominn tími á klippingu hjá Stefáni Bjarti. Hann sá vart lengur út úr lubbanum og kennararnir voru farnir að kvarta yfir að sjá illa framan í hann. Þessi mynd er tekin þegar hann var á leiðinni út í klippingu.

Megum við kynna "Nýja Stefán Bjart". Þessi mynd er tekin um leið og hann kom heim. Þetta er aldeilis nýr Stefán. Heitir ekki allt "nýi" þetta og "nýi" hitt í dag?!

Fríða litla var smástund að átta sig á nýja Stefáni en um leið og það kom, fór hún strax að kitla hann.

Haustið er komið og börnin glöð og hress!

2008-10-23T15:26:00.000-07:00

Haustið er komið og börnin mætt í skólann. Stefán er voða ánægður í Hlíðaskóla og honum gengur voða vel. Á þessari mynd getur hann vart hamið hláturinn eftir að ég bað hann að vera alvarlegan á mynd. Takið eftir húðflúrinu!

Stefán er duglegur að læra og ekki er það ónýtt að hafa móður sína sem kennara. Stefán er byrjaður að lesa og er þarna að skreyta lestrarbókina sína.

Þau eru mjög miklir fjörkálfar og finnst voða gaman að leika sér í hjónarúminu.

Þarna er hún Fríða aðeins að róast í rúminu og brosir sínu blíðasta. Það er ekki laust við að hún líkist henni Kaju frænku sinni. Ekki leiðum að líkjast.

Fríða er byrjuð á leikskólanum Sólhlíð, þar sem Stefán var. Henni gekk rosalega vel í aðlöguninni, það var ekkert mál að skilja hana eftir hjá krökkunum. Þarna er hún hinsvegar heima hjá sér að skutla honum Bangsímon úr stofunni yfir í herbergi.

Sumarfríið á Ísafirði

2008-09-03T15:04:00.000-07:00

Á síðasta degi Stefáns á leikskólanum Sólhlíð, mætti hann með tvær hljómsveitir með sér. Benni Hemm Hemm og Reykjavík! komu og spiluðu fyrir krakkana. Skólastjórinn komst svo að orði að flestir krakkar kæmu með köku eða ís á síðasta deginum en Stefán þurfti að gera þetta öðruvísi.

Eftir að Stefán hætti á skólanum lá leiðin strax vestur í paradísina. Þarna eru krakkarnir hjá afa Stebba að fagna nýustu frænkunni, henni Soffíu Rún. Hún var skírð í endaðan júlí.

Við fórum í frábæra heimsókn í Dufansdal til Árnýjar, Súna, Jóns Darra og Brynhildar Lailu. Þarna eru Fríða og Brynhildur í náttúruparadísinni við Hvestu, grunlausar um alla umræðu um olíuhreinsunarstöð.

Að sjálfsögðu fórum við á Valseyri og fengum að gista eina nótt. Þarna er hún amma Didda og Fríða að ræða málin.

Í endaðan ágúst byrjaði svo Stefán í Hlíðaskóla, þarna er hann á leiðinni í skólann fyrsta daginn.

Stefán getur stundum verið voða hugsi við matarborðið. Þá finnst honum rétti tíminn að ræða málin og slíkt, í stað þess að borða matinn sinn. Það er svo sem skiljanlegt á þessum tímum, allir á fleygiferð. En hann mætti taka systur sína til fyrirmyndar í matarást sinni.

Stefán á hjóli

2008-07-22T04:25:00.000-07:00

Stefán fór út að hjóla með ömmu Steinu og það gekk svona vel að hann er alveg búin að ná þessu.

Næsta verkefni hjá henni er svo að kenna Fríðu að labba.

Á sjó

2008-07-18T02:17:00.000-07:00

Strax morguninn eftir að við komum vestur dreif Jón Þór okkur út á sjó.

Það voru veiðistangir um borð og við Stefán fengum þennan stærðar þorsk sem varð að plokkfisk í Kjarrholtinu um kvöldið.

Veiðimaðurinn verður að gera að aflanum sjálfur.

Stefáni leist ekkert á aðfarir móður sinnar þegar hún gerði að fiskinum.

En hann gleymdi þessu öllu þegar hann fékk að stýra heim.

Sumarið er tíminn!

2008-06-24T15:53:00.000-07:00

Fríða Katrín tók mikið stökk í kjölfar afmælis síns og hóf að taka enn hressilegar á matnum sínum, fór að taka fleiri tennur og að stíga meira í lappirnar. Hún er eiginlega orðinn hinn mesti mathákur, hún nær m.a.s. að tæma af disknum áður en maður nær að smella af!

Stefán Bjartur ákvað að kenna litlu systur sinni hvernig maður kubbar og hann bjó til Hallgrímskirkju. Væntanlega mynda þá kubbarnir sem eru hjá honum á teppinu Listasafn Einars Jónssonar við Freyjugötu. Hann er lunkinn strákurinn!

Stefán fékk hjól í byrjun sumars. Hjólið er rosa gæjalegt og stórt. Hann rétt nær niður og er að enn að æfa sig, það tekur tíma og dassa af þolinmæði. Hann veit ekki alveg hvað það er.

Þarna er hún Fríða sumarleg í vagninum, nýkomin af sumarhátíð Sólhlíðar (leikskóla Stefáns).

Þetta er hreinlega póstkort! Þarna er Stefán á þjóðhátíðardaginn að skoða forsetabílinn, gamla Packardinn sem kostaði meira en allir demantar Dorritar. Hann er glæsilegur. Stefán heimtaði að við keyptum svona bíl, enda hundleiður á þessum Golf station bíl sem fjölskyldan hefur látið sér duga síðustu ár. Þetta er spurning um "Bryndís á Bessastaði" eftir 4 ár?!

2008-05-31T10:34:00.000-07:00

Stefán útskrifaðist af leikskólanum Sólhlíð í síðustu viku. Var haldin athöfn þar krakkarnir sungu nokkur lög, fengu hatt og viðurkenningu svo var veisla á eftir. Batterýin í myndavélinni kláruðust en sem betur fer var Frænka með fínu vélina sína og tók myndir sem koma seinna. Hér er verið að syngja lagið Efemía.

hér eru þau að syngja lagið eldurinn logar með tilheyrandi handahreyfingum.

Fríða hélt upp á 1. árs afmælið sitt og bauð nokkrum vinum í kaffi.

Hún var í vorða fínum kjól sem hún fékk lánaðan hjá Jöhönnu frænku sinni.

Þennan flotta smekk fékk hún frá frænkum sínum á Ísafirði þeim Hrefnu og nýfæddri Guðsteinu eða Jóhönnu Bryndísi (djók).

Eftir erfiðan dag, allan baksturinn og gestaganginn varð Fríða svo þreytt að hún sofnaði fram á göngugrindina.

Vorið kom, og hlaupabólan og fjarstýrður bíll!

2008-05-18T04:09:00.000-07:00

Blessuð börnin reyna sitt besta að sýna bros þegar einhver mundar myndavél. Þarna er Fríða að sýna viðleitni þrátt fyrir hlaupabólu og slappleika. Svo veifar hún líka til lesenda þessarar síðu!

Við fengum á dögunum heimsókn frá Barcelona, þau mæðgin Rita Svanhild (þ.e. Hildur) og Aaron Ingi komu heim til Íslands í nokkra daga. Þarna er hann Aaron að prófa hárskraut úr smiðju Bryndísar.

Þetta er ekki óalgeng sjón að sjá hana ,,frænku" með börnin í kringum sig. Þarna eru þau Stefán og Fríða í fanginu á Bryndísi og Steingerður vill vafalaust komast að líka. Þarna eru allir heima hjá Maju frænku.

Afi Haddi og amma Didda fóru til Danmerkur á dögunum. Áður en þau fóru hvíslaði Stefán því að afa sínum að hann mætti endilega athuga hvort hann sæi fjarstýrðan bíl fyrir sig. Ekki vissum við foreldrarnir af þessu en þegar amma og afi komu heim, kom þessi líka tröllvaxni kappakstursbíll upp úr töskunum. Það vantar ekki mikið uppá að Fríða komist undir stýrið.

Stefán stóri bróðir er mjög duglegur að passa uppá litlu systur. Þarna er hann að snýta henni Fríðu sinni.

Stefán var líka duglegur í eldhúsinu á dögunum, hann var aðstoðarkokkur þegar mamma hans töfraði fram dýrindis kjúklingabaunarétt. Hann var ekki alveg jafn duglegur þegar kom að því að borða matinn en hann klöngraðist í gegnum hann.

Þarna eru þau systkinin í sófanum að horfa á barnatímann. Bæði eru þau með þessa fínu hárlubba. Finnst ykkur þau lík?

Alveg dýrðlegir páskar.

2008-03-31T16:02:00.000-07:00

Stefán Bjartur kallar ekki allt ömmu sína þegar kemur að töffaraskap. Það er engu líkara en hann haldi að hann sé í hljómsveitinni Oasis...

Fríða er þarna í himnasælu með Sæmundi í eldhúsinu hjá ömmu og afa í Kjarrholtinu. Hver var annars aftur sagan af matarkexinu og Sæmundi...?

Stefán með mömmu sinni á skíðasvæðinu í Tungudal á föstudaginn langa. Þau voru m.a. að fylgjast með pabba að spila með Dr.Gunna og félögum en þau skemmtu krökkunum á skíðasvæðinu með lögunum úr Abbababb.

Þarna er hljómsveitin komin á svið daginn eftir á Aldrei fór ég suður. Ég, Gunni, Heiða og Elvar mynduðum þarna hljómsveitina Unun og fengum við Óttarr Proppé í eitt lag. Stefán Bjartur stóð stjarfur af hrifningu út í sal.

Norðlendingurinn Sigrún María kom í heimsókn og eru þær Fríða þarna að ræða málin.

Fríða státar einu af hina vinsæla hárskrauti mömmu sinnar en Bryndís hefur búið til aragrúa af svaka flottu hárskrauti síðustu misseri og selt mikið af. Engin furða ef hún fær svona fyrirsætur...! (þið getið kommentað hér fyrir neðan ef þið viljið forvitnast um hárskrautin)

Jóhanna með krakkana sína, Stefán og Hrefnu Dís út í garði. Þau virðast hafa dottið í holu.

Stefán er misduglegur við heimilisstörfin en það verður ekki tekið af honum að hann er mjög duglegur að taka til í dósa- og flöskusöfnuninni. Það er auðséð af hverjum hann hefur lært tæknina, jú honum Georgi Bjarnfreðarsyni.

Stefán og Fríða á flugi

2008-02-13T14:07:00.000-08:00

Fríða Katrín er æði brosmild stúlka. Þessa dagana býður hún ekki bara uppá bros heldur fylgir þessa fína gretta með.

Þess á milli getur hún verið mjög virðuleg og alvarleg í bragði.

Á öskudagsmorgun var það ekki Stefán Bjartur sem kom út úr herbergi sínu heldur var það ofurhetjan Júlíus (þetta tengist víst teiknimyndinni Hin Ótrúlegu eða The Incredibles).

Ofurhetjan flaug á leikskólann í hinum glæsilega búningi sínum, með skikkju og öllu tilheyrandi, og svo aftur til baka, hann lék af als oddi allan daginn.

Allt var þetta voða gaman þar til kom að háttatímanum, þá þurfti að taka málninguna úr andlitinu. Við feðgar reyndum og reyndum en þar sem hvorugur okkar erum reyndir í meiköppi tókst það ekki vel. Drengurinn leit út eins og meðlimur í Addamsfjölskyldunni eða Ragnar Sólberg í hljómsveitinni Sign.

Að síðustu er hér mynd sem tekin var í dag. Þarna situr hún Fríða fremst á gólfinu heima hjá Bjarnveigu en þar voru þær mæðgur í smá mömmuklúbbi. Frá vinstri er Matthías Guðni sonur Elínar vinkonu Bryndísar, Halldór Hvannar sem er frændi Matthíasar, Einar Andrés hennar Kiddýar, Fríða og svo er hún Elísabet Lára hennar Bjarnveigar lengst til hægri.

Janúarstuð!

2008-02-02T11:19:00.000-08:00

Nú er hún Fríða komin á þann aldur að hún er farin að fatta þegar verið er að taka ljósmynd. Hún líkt og allir krakkar sem alast upp á þessum tímum setja því upp sparibrosið um leið og einhver hefur myndavél eða síma á loft.
Þrátt fyrir að úti væri fjúk og hrím og hjarn var Stefán hvergi banginn og renndi sér á hinu frábæra útivistarsvæði sem Klambratún er.
Ef maður klæðir sig vel þá er vel hægt að hafa gaman, m.a.s. í þessum Þrándheimskulda sem boðið hefur verið uppá síðustu daga hér í Reykjavík. Fríða kom líka með okkur út á tún.
Fríða fylgist mikið með sjónvarpinu, hún reyndi að fylgjast með strákunum okkar á EM en missti þráðinn á miðri leið. Nú eru það auglýsingar og Lottó sem heilla hve mest.
Stefán horfði með okkur á Laugardagslögin í gær, þar sem spennan var í hámarki. Okkar menn í Dr.Spock kepptu. Stefán var orðinn svo spenntur að hann fór inn í herbergi og dressaði sig upp í anda Spock. Appelsínugult flísteppi sem skikkja, bláir skíða vettlingar, stjörnunærbolur og náttbuxur var hans framlag. Stefán var reyndar mjög hrifinn af rokk-klæðnaði Óttars Proppé í keppninni og spurði Óttarr á dögunum á förnum vegi hvar hann hafi fengið bleiku glimmerbuxurnar. Þær fengust víst í sérverslun fyrir dansara í Ameríku.

Jólin og áramót í Hnífsdal og á Ísafirði.

2008-01-07T15:38:00.000-08:00

Þarna er verið að búa til jólakortið í ár. Bryndís prófaði hinu ýmsu fídusa á flottu myndavélinni og þarna er vélin stillt á jól...!

Við fórum að sjálfsögðu vestur um hátíðir og þarna erum við komin í Hnífsdal til Kaju og Smára á aðfangadagskvöld.

Pakkaflóðið var ægilegt og þarna fær Fríða hjálp frá afa sínum að opna nokkra þeirra.

Þarna er Stefán að rífa utan af stóra pakkanum frá foreldrum sínum, hann innihélt Playmobil sjóræningjaskip, eitthvað sem hann var búinn að dreyma um lengi. Þegar pakkastæðurnar í Hnífsdal lágu í valnum var gerð önnur atlaga inní Kjarrholti en þar beið annað eins.

Á gamlárskveldi borðuðum við í Kjarrholtinu og fórum við feðgar á brennuna á Hauganesi. Það var voða gaman, mikið af fólki og einnig var glæsileg flugeldasýning. Allt fór þetta fram í logni og blíðu en þegar líða tók á miðnætti fór að hvessa allhressilega.

Þegar við komum heim í Barmahlíðina hófust smíðar á sjóræningjadallinum. Það tók hátt á þriðja tíma að koma skipinu saman en ekki einn og hálfan líkt og stóð á kassanum.

Jólaundirbúningur og fleira.

2007-12-13T15:11:00.000-08:00

Þarna er Fríða í essinu sínu. Hún er með besta vin sinn, flóðhestinn. Það er alveg sama hvort Fríða sé svaka pirruð, hágrátandi, sársvöng eða dauðsyfjuð, þegar flóðhesturinn mætir á svæðið þá fríkar hún út, verður svakalega æst og skælbrosandi.

Þarna er Stefán að sýna okkur hvernig maður ber sig að þegar maður fer í kirkju. Maður hallar augnlokunum og er alveg kyrr. Þetta varð það fyrsta sem hann nefndi þegar hann mátaði jólafötin.

Þær eru rosa sætar mæðgurnar, össs.....

..og feðginin vússss....!

Þarna er hún Steingerður jólaálfur, við fórum öll saman á jólaball á dögunum. Það var gaman. Það er engu líkara en hún Stengerður sé að bjóða öðrum að prófa húfuna, enda var það raunin. það fengu allir að prófa.

Þarna er Stefán að kynna sér úrvalið á jólagjöfum í leikfangaverslununum. Hann er mjög spenntur og hefur tileinkað sér þessi blöð sem komið hafa innum lúguna, hann segir þetta vera póst til sín.

Loks er hér myndin af Stefáni sem birtist í borðalmanaki Glitnis fyrir árið 2008. Stefán er herra September og fer þarna með mikla speki: "í gamla daga var bara til gamalt fólk, tröll og risaeðlur. Það er rosa langt síðan."

Krakkarnir í Hlíðunum

2007-11-15T11:02:00.000-08:00

Þarna er Stefbjartur í essinu sínu. Þarna er hann með Latabæjarbuffið sitt um hálsinn og töffaralegu húfuna sína. Sú húfa kallast "húfuderhúfa".

Fjölskyldan fór vestur undir lok októbermánaðar. Það voru ansi ljúfir dagar. Þarna er Fríða með rassgat í bala í Kjarrholtinu.

..og hún Hrefna Dís stóra krúttfrænkan fylgdist með.

Vinir okkar Árný, Súni, Jón Darri og Brynhildur Laila buðu okkur í mat. Þarna eru vinkonurnar þær Fríða (fædd 31. maí) og Brynhildur (sem er fædd 22. júní) að spjalla saman.

Bárður Bjarki, sem er nýfluttur í Árbæinn, kom í heimsókn í Hlíðarnar. Hann er þarna með sérsaumaða Reykjavíkur! húfu sem Bryndís hannaði.

Þau eru nú voðalega góð saman systkinin. Fríðu finnst Stefán rosalega fyndinn...en hverjum finnst það svo sem ekki, hann með þennan ægilega lubba. Stefán var kominn með svo mikið hár að afi Haddi spurði af hverju hann væri eins og stelpa. Þá drifum við okkur með hann til Stjúra á Gel.

Nú sér hann loksins út og lítur út eins og herramaður. Stefán er reyndar ekki orðinn lögreglumaður þó hann sé þarna í búningnum, en hver veit?! Það er allavega mannekla í embættinu fyrir vestan.

Þessi mynd var tekin rétt í þessu en Fríða fékk rólu að láni frá Elísu og Palla. Þar er hún búin að skellihlæja síðasta hálftímann.

Helgarferð með Vídó fjölskyldunni og fl.

2007-10-22T15:50:00.000-07:00

Þarna eru þeir vinirnir Stefán Bjartur og Ómar Smári að skála í appelsínusafa eftir langan vinnudag. Þá er nú gott að geta slakað á aðeins í pottinum.

Fjölskylduvinirnir Siggi Vídó, Berglind, Ómar Smári og Ari buðu okkur í bústað á dögunum. Það var gjörsamlega yndislegt, svo yndislegt að við nenntum ekki heim fyrren á mánudaginn.

Við sumarbústaðahverfið þar sem við vorum var örlítið fell. Við klifum það og höfðum gaman að því, enda útsýnið yndislegt þegar uppá toppinn var komið. Þarna er vatn og um það snýst getraun dagsins, hvað heitir þetta vatn?

Þau eru sæt systkinin. Fríða og dýrið...nei, djók.

Fríða Katrín fékk Múmínsnáða þegar pabbi kom frá Finnlandi og Eistlandi. Þau eru rosa góð saman. Lengst til hægri er Bangsímon að lyfta bláum kodda.

Nýustu Tölur

2007-10-05T03:51:00.000-07:00

Núna þegar Fríða Katrín er orðin fjöggra mánaða er hún 6765gr 0g 65,5cm og er byrjuð að lesa í hljóði.

Bros-syrpa

2007-10-02T08:50:00.000-07:00

Það þarf ekki mikið til að fá Fríðu til að brosa þessa dagana. Eitt "hæ" eða smá klapp getur verið rosalega fyndið.

Þarna er Fríða að sörfa á netinu með pabba sínum. Merkilegt hvað krakkar nú til dags eru fljótir að læra á tæki og tól.

Stefán Bjartur bauð Fríðu systur sinni á tónleika inní herbergi hjá sér á dögunum. Hljómsveitin Reykjavík! var að spila í beinni útsendingu á Rás 2. Þau höfðu mjög gaman af.

Á kvöldin finnst Fríðu langbest að slaka á í sófanum og horfa á skemmtiefni í sjónvarpinu. Mér sýnist hún vera að horfa á Spaugstofuna.

Stefán Bjartur 5 ára

2007-09-21T03:41:00.000-07:00

Stefán Bjartur varð 5 ára 28. ágúst síðastliðinn þessi mynd er ekki tekin þá heldur þegar hann var viku gamall.

Haldinn var mikil veisla

Fríða Katrín lítla systir var svo elskuleg að gefa stóra bróður pakka í tilefni dagsins

Stefán fékk margar gjafir þar á meðal var þessi ,,húfuderhúfa"

Í boði var meðal annars slöngukaka og sjóræningjaávextir

það er nú alveg greinilegt að mamma hans Stefáns kann að útbúa veitingar!!

Fríða og allir hinir gríslingarnir

2007-09-04T14:35:00.000-07:00

Þarna eru vinkonurnar Elísabet Lára og Fríða Katrín að spjalla. Elísabet er dóttir Bjarnveigar og Gunna og hún er aðeins 12 klst. eldri en Fríða.

Fríða er rosa hress alltaf og brosmild.

Þarna eru svo systkinin, þau eru voða góðir vinir.

Stefán Bjartur er voða mikill rokkari, hvað sem það nú þýðir. Þarna er engu líkara en hann sé að spila rokk með hljómsveitinni Ramones en hann er líklegast að spila og syngja með Pollapönki. Það er aldeilis frábær músik.

Þarna er Fríða með Steingerði frænku sinni. Þær eiga eftir að bralla mikið saman í nánustu framtíð. Þessi prakkaralegu bros nást þarna á mynd í fyrsta sinn en án efa ekki í það síðasta.

Þarna eru þær frænkurnar Fríða og Baldvina búnar að stofna hljómsveit. Eins og þið sjáið hefur Fríða ákveðið að spila á gítarinn og Baldvina að syngja. Flottir hljómsveitarbúningarnir!

Nýjar sumarmyndasyrpur

2007-08-06T16:22:00.000-07:00

Nú eru loks komnar 3 nýjar myndasyrpur úr sumarfríinu og sú nýjasta frá skírn litlu stelpunnar okkar. Sem hafði gengið of lengi undir nafninu "No name stúlkan".
Takið eftir að nýjasta syrpan er í tímaröð niður þannig að nýjasta myndin er neðst í færslunni, allar hinar færslurnar á síðunni eru í öfugri röð. Þá er nýjasta mynd hverrar færslu efst.

Barnið skal heita Fríða Katrín

2007-08-06T15:16:00.000-07:00

Laugardaginn 28. júlí féllu öll vötn til Dýrafjarðar því nú skyldi litla stúlkan vera skírð. Afi Haddi og amma Didda (ásamt frænkunum Maju og Kaju) eiga yndislegan bústað á Valseyri í Dýrafirði en á þeirri eyri hafa allskyns athafnir farið fram í gegnum tíðina, m.a. gengu menn þar í fóstbræðrarlag eitt sinn.

Magnús Erlingsson var fenginn til verksins (enda prestur). Hann var mjög ánægður með staðsetninguna og fannst sólstofan í Valhöll líkjast kapellu. Athöfnin var yndisleg, sungnir voru sálmar, Jóhanna móðursystir hélt á henni undir skírn, Elísa móðursystir las kafla úr Biblíunni en Elísa og Bryndís föðursystir eru guðmæður hennar nýskírðu. Loks tilkynnti Stefán Bjartur stóri bróðir hvað barnið skyldi heita; "..haa, Fríða Katrín?" Sagði hann í spurningartóni þegar pabbi hans hafði hvíslað honum nafnið.

Fríða Katrín heitir hún! Fríðunafnið fær hún frá ömmu pabba síns en hún hét María Sveinfríður (eins og Maja föðursystir) og var ávallt kölluð Fríða. Katrín er svo "út í loftið" eins og er sagt. Á myndinni er vinkona Stefáns hún Birna Júlía Sleggjudóttir.

Við vorum voða heppin því margir vinir og ættingjar voru stödd fyrir vestan þessa hásumarhelgi. Því var margt góðra gesta.

Gestir sátu bæði inni og úti enda veðurblíðan unaðsleg. Eins og hún er víst alltaf á Valseyri ef maður spyr afa Hadda..! Þarna má sjá ömmu Diddu og systkini hennar, þ.e. börn ömmu Fríðu, ásamt tengdafólki.

Veitingarnar voru ekki af verri endanum. Ekta sveitakaffi. Ömmurnar og afarnir sáu um að baka og smyrja og úr varð stórkostleg veisla.

Afi minn fór á honum Rauð eitthvað suður á... gæti Stefán hafa sungið en hann fékk smá rúnt með afa Hadda á Gamla Rauð.

Amma Didda bauð uppá konfekt með kaffinu þegar allir voru þegar útbelgdir af vöfflum og lagkökum. "Er sósa í þessum mola?" spurði Stefán. Honum finnst sósan ekki góð.

Sældarlíf í sumarbústað

2007-08-05T06:16:00.000-07:00

Eina leiðin til að róa mannskapinn er að kaupa ís á línuna. Þeir í Slakka vita alveg hvað þau eru að gera. Elísa, Palli, Jóhanna og Hrefna komu frá Ísafirði. Einnig komu Bjarnveig, Gunnar, Dagbjartur og Elísabet Lára yfir nokkra daga auk þess sem Birna Málmfríður og Álfrún komu í heimsókn. Loks komu Bryndís, Bárður og Steingerður í smá stopp.

Þarna eru leiktækin sem valda bara leiðindum og gráti. Þarna er Stefán orðinn dýrvitlaus á kappakstursbíl.

Við fórum í dýragarðinn í Slakka. Börnin höfðu lítið gaman af dýrunum, leiktækin og íspinnar voru meira spennandi.

Meðal annars var mjög gaman að fá ömmu og afa sem komu á húsbílnum frá Ísafirði til að sjá nýjasta barnabarnið sitt sem er það tólfta í röðinni.

Við fjölskyldan fórum í bústað að Minniborgum í Grímsnesi um miðjan júlí. Við áttum frábæra daga og fengum marga góða gesti.

Á leiðinni í sumarfríið

2007-08-04T16:34:00.000-07:00

Þarna erum við feðgar ýkt hressir, loks á leiðinni út á land í sumarfrí.

Þetta er stórkostlegt útilistaverk eftir Norðmanninn Ólaf Elíasson.

Þessi mynd gæti hafa verið tekin á tökustað á Lost seríunni. En vitið þið lesendur hvar við erum?

Þarna eru þeir Dagbjartur og Stefbjartur í virðulegi teboði í Laugardalnum. Þeir eru eins og gömul hjón.

Þarna er litla í fanginu hjá Sunnu Karen sem er vinkona Jóhönnu systur Bryndísar en Sunna er jafnframt systir Kiddýar.

Sumar og sól

2007-07-03T03:28:00.001-07:00

" Den lille havfrue?!" Nei, þetta er ekki litla hafmeyjan, þetta er Stefán á leynistað í Mosfellssveit. Helgufoss í baksýn. Við Stefán fórum í ævintýraferð með Gunnari og Dagbjarti á sunnudaginn og skemmtum okkur mjög vel í sólinni.

Eftir að hafa vaðið í ánni við Helgufoss fórum við í sjoppu og fengum okkur pylsu og svala. Eftir það héldum við á ströndina á Ægissíðu og svo í sund á Seltjarnarnesi.

Þarna er hún Steingerður okkar sem er alltaf skælbrosandi. Fyrsta tönnin kom í ljós í síðustu viku, í bíl á leið til Akureyrar.

Ég labbaði með börnin tvö út á Miklatún um helgina, þar var troðið af fólki í sólbaði, við hverskonar íþróttaiðkun og kaffisötr. Við SBK spiluðum fótbolta og litla svaf á meðan.

Sú stutta er mjög dugleg að borða og vex og dafnar eftir því. Hún hefur verið að æfa sig svolítið síðustu daga með snuð, það gengur ágætlega.

Sjóræningjar og skemmtileg getraun.

2007-06-28T15:47:00.000-07:00

Það er engu líkara að báðar þessar myndir að ofan séu af litlu stelpunni en svo er ekki. Önnur myndin er af Stefáni, hvor myndin er það haldið þið?

Þarna er það hinsvegar morgunljóst að þetta er Stefán. Hann þarf að fara í klippingu!

Stefán er mjög góður við litlu systur sína. Hann er svo góður að það þarf að fylgjast með því hvort hann fari nokkuð inn í svefnherbergi og nái í hana meðan hún er sofandi.

Á Sólhlíð, leikskólanum hans Stefáns var sjóræningjadagur í gær. Stefán var án efa einn sá svakalegasti enda á hann dressið heima hjá sér. Hann hefur mikinn áhuga á sjóræningjum, á mikið af sjóræningjaplaymoi.

Þurý afasystir kom í heimsókn.

Sú litla er afar róleg í ömmustólnum. Af hverju þessi stóll heitir "ömmustóll" veit ég ekki, hvoruga ömmuna hef ég séð í þessum stól.

Á ferð og flugi

2007-06-24T14:22:00.000-07:00

Stefán Bjartur köngulóarmaður leggst í rekkju, í köngulóarmannsnáttfötunum sínum, undir köngulóarmannssængina sína og á köngulóarmannskoddann sinn.

Þarna sjáum við þær vinkonur Elísabetu Láru og ..... litlu. Elísabet kom í heiminn þann 30. maí en hin litla kom 31. maí. Elísabet er dóttir Bjarnveigar og Gunnars og þurfti hún að fara í blóðskipti þegar hún var nýkomin í heiminn og fór svo í ljós. Hún er hin hressasta í dag.

,,Á uppleið" gæti þessi mynd heitið. Þarna er engu líkara en að Stefbjartur sé í miklu fjallaklifri en við vorum í miðjum hjólatúr þegar við stoppuðum á leikskólanum við Bogahlíð.

Þarna er sú litla í partýi hjá Sunnu á Hjarðarhaganum en þar voru þær Bryndís, Bjarnveig og Elísabet, og Elín og sonur hennar Matthías Guðni. Elín er skólasystir Bryndísar og Sunnu úr Kennaraháskólanum. Á myndinni er Matthías í svaka stuði en sú stutta sefur vært í töffarastellingu.

Nýjar myndir

2007-06-18T15:54:00.000-07:00

Sú stutta mannast með hverjum deginum. Hún er ferlega lík bróður sínum og ekki batnar það þegar hún er klædd í fötin hans líka.

Stefán Bjartur er þarna að kenna henni fáein trix í því hvernig maður á að haga sér.

Á laugardaginn útskrifaðist Bryndís úr kennaraháskólanum. Hún er nú orðin kennari og þarna sést hún með nemendum sínum í Barmahlíð.

Þarna er amma Steina með þá stuttu og hjá þeim situr frú Guðrún langamma.

Vinir í heimsókn og gönguferðir

2007-06-14T10:52:00.000-07:00

Pabbinn með börnin sín í fanginu.

Á skiptiborðinu er oft mikill atgangur, þarna sér Stefán stóri bróðir um skemmtiatriðin.

Kiddý, Einar Andrés og Sunna kíktu í heimsókn í dag. Þarna eru Kiddý og Einar Andrés að skiptast á fæðingarsögum við Bryndísi.

Stefáni finnst það skipta miklu máli að vera "rokkari". Þegar honum er rétt leikskólaföt á morgnana neitar hann að klæðast þeim nema að fötin séu rokk og ról....hvað sem það nú þýðir. Þessi mynd mynda sóma sér vel í hvaða rokktónlistarblaði sem er þessa dagana.

Mér finnst rosalega gaman að labba í fína veðrinu með vagninn, og hún sefur rosalega vel á meðan. Það skal samt viðurkennast að mér þótti ég hálf plebbalegur í dag með vagninn í annari og kaffibollann í hinni.

Á þriðjudaginn komu Íris Ragnars og Baldvina Þurý í heimsókn. Þarna eru þær frænkur í góðu stuði...a.m.k. önnur þeirra. Fyndið að sjá hárlubbana á þeim, það eru engu líkara en að þetta séu einhverskonar hanakambar.

Sumarhátíð, bíltúr og gönguferð.

2007-06-11T12:16:00.000-07:00

Fyrsti göngutúrinn lagðist vel í stelpuna, hún svaf allan tímann.

Mæðgurnar ákváðu að taka þátt í sumarhátíð Stefáns á Sólhlíð.

Spiderman...? Nei, þetta er Stefán Bjartur í gervi Köngulóarmannsins.
Stefán er kominn á þann aldur að Bangsímon hefur þurft að láta í minni pokann
fyrir Spiderman. Í dag var sumarhátíð á leikskólanum. Bárður frændi kom með okkur í skrúðgöngu en fór svo og hitti vini sína. Ég náði því ekki að taka mynd af honum en hann var glæsilegur í gervi Jack Sparrow sjóræningja úr Pirates of the caribbean.

Í dag fengum við stærðarinnar sendingu frá samstarfsfólki mínu (þ.e. Kristjáns) hjá Pennanum. Í pakkanum var glæsilegur kistill með nokkrum glæsilegum munum, m.a. gjafabréf í barnadótabúð, púði, teppi, kerti og bangsi. Þvílíkt og annað eins!

Í morgun mætti til okkar hjúkrunarfræðingur frá Heilsugæslunni í Hlíðunum. Hún skoðaði stelpuna í bak og fyrir, vigtaði og mældi. Hún fékk skoðun. Stelpan var 4150 gr. þegar hún yfirgaf sjúkrahúsið en núna viku seinna er hún orðin 4600 gr. Þetta er greinilega engin undanrenna hjá henni Bryndísi.

Fyrsti sunnudagsbíltúrinn, allir fengu ís nema hún. Hún svaf allan tímann.

Þarna er hún á leiðinni út á rúntinn. Hún kom líka heim í þessum glæsilegu fötum en frænka hennar Þurý Símonar prjónaði þennan alklæðnað á hana og gaf henni. Þurý er náttúrulega ekkert annað en listamaður á heimsmælikvarða.

Eftir fyrstu vikuna heima ákváðum við að hressa okkur við og fara í bíltúr saman. Allir glöddust mjög við þessa hugmynd...sérstaklega þegar hugsanleg rjómaískaup voru nefnd (það sést kannski hver brosir mest á myndinni).

Fyrstu dagarnir

2007-06-09T12:08:00.000-07:00

Hér eru nokkrar myndir af fyrstu dögunum hjá stóru fjölskyldunni. Allar myndirnar eru teknar á hina glænýju og fínu myndavél sem við keyptum í vikunni. Þess vegna ber að geta þess að ef þið smellið á myndirnar hér að neðan þá birtast þær mjög stórar. Við eigum aðeins eftir að stilla upplausnina.

Þarna er sú litla þreytt eftir fyrstu baðferðina sína.

Öll fjölskyldan hjálpaði til við fyrstu baðferðina.

Hún vissi varla hvað okkur gekk til með að dýfa henni oní vatnið.
Naflastrengsafgangurinn datt skömmu síðar af.

Stefán Bjartur er mjög duglegur að hjálpa til með litlu systur sína.

Frænkurnar Maja og Bryndís komu í heimsókn í gær. Þarna hlustar sú stutta
af mikilli einbeitingu á Maju.

Hún er alltaf geispandi. Bæði börnin hafa sama geispa og mamma þeirra.

Hún er eitthvað hissa þarna, kannski flassið frá myndavélinni.

Þetta er ein fyrsta myndin sem var tekin á nýja myndavélina.