" Den lille havfrue?!" Nei, þetta er ekki litla hafmeyjan, þetta er Stefán á leynistað í Mosfellssveit. Helgufoss í baksýn. Við Stefán fórum í ævintýraferð með Gunnari og Dagbjarti á sunnudaginn og skemmtum okkur mjög vel í sólinni.
Eftir að hafa vaðið í ánni við Helgufoss fórum við í sjoppu og fengum okkur pylsu og svala. Eftir það héldum við á ströndina á Ægissíðu og svo í sund á Seltjarnarnesi.
Þarna er hún Steingerður okkar sem er alltaf skælbrosandi. Fyrsta tönnin kom í ljós í síðustu viku, í bíl á leið til Akureyrar.
Ég labbaði með börnin tvö út á Miklatún um helgina, þar var troðið af fólki í sólbaði, við hverskonar íþróttaiðkun og kaffisötr. Við SBK spiluðum fótbolta og litla svaf á meðan.
Sú stutta er mjög dugleg að borða og vex og dafnar eftir því. Hún hefur verið að æfa sig svolítið síðustu daga með snuð, það gengur ágætlega.
Sú stutta er mjög dugleg að borða og vex og dafnar eftir því. Hún hefur verið að æfa sig svolítið síðustu daga með snuð, það gengur ágætlega.